Arystyqtardyń taǵy bir bóligi jóndelgen úılerine kirdi

TÚRKІSTAN. QazAqparat - Arysty qaıta qalpyna keltirý boıynsha sektorǵa bólinip atqarylǵan jumystar aıaqtalyp keledi. Soltústik Qazaqstan oblysy men Túrkistan oblysynyń Ordabasy aýdanyna qarasty qurylys nysandary tolyǵymen aıaqtaldy, dep habarlaıdy QazAqparat.

Túrkistan oblysynyń ákimdiginen málim etkendeı, Soltústik Qazaqstan oblysy men Ordabasy aýdanyna bekitilgen qaladaǵy 13–sektor jetekshileri saltanatty shara uıymdastyryp, Arysty qalpyna keltirý boıynsha júrgizilgen jumystarynda eleýli eńbek etken jumysshylar men belsendilerdi marapattady.

Sharaǵa Soltústik Qazaqstan oblysy ákiminiń orynbasary Qaırat Mýstafın men Ordabasy aýdanynyń ákimi Álipbek Óserbaev qatysyp, turǵyndarmen kezdesti. Ádimdik ókilderi turǵyndardy úılerine baryp quttyqtap, olarǵa turmystyq tehnıka syıǵa tartty.

«SQO men men Túrkistan oblysynyń Ordabasy aýdany birlese otyryp 13-sektorǵa bekitilgen 17 kóshedegi 371 turǵyn úıdiń jaǵdaıyn zerdelep, zaqym kelgen 198 baspananyń jóndelýine kúsh saldy. Sondaı-aq Ataýly áleýmettik kómekke qujattar rásimdeý úshin de tıisti mamandar bólinip, jumys júrgizildi. Bul aýmaq boıynsha birjolǵy járdemaqy 18 jasqa tolǵan barlyq 954 turǵynǵa bank kartochkalary arqyly taratylyp berildi», - dedi Túrkistan oblysy ákimdiginen.

Aıtap keteıik, Arystaǵy tótenshe jaǵdaıdan soń qalany qalpyna keltirý jumystary 17 sektorǵa bólinip júrgizildi. Búgingi tańda, jalpy 9 sektor ózderine qarasty aımaqtaǵy jumystardy aıaqtady.