Arysty snarıadtan tazartý jumystarynan Kóksaraıǵa keler qaýip joq - mınıstr

TÚRKІSTAN. QazAqparat- Arys qalasy aýmaǵynda zalalsyzdandyrylyp jatqan snarıadtar jarylysynan «Kóksaraı» sý qoımasyna keler qaýip joq. Bul týraly Túrkistan oblysynyń turǵyndarymen kezdesken Tótenshe jaǵdaılar mınıstri ıÝrıı Ilın málimdedi, dep habarlaıdy QazAqparat tilshisi.

arysMınıstrdiń halyqpen kezdesýinde turǵyndar tarapynan da kóptegen saýaldar tústi. Sonyń biri Arys qalasy aýmaǵynda zalalsyzdandyrylyp jatqan snarıadtar jarylysynan Kóksaraı sý rettegishine keler qaýip týraly boldy.

«Kóksaraı» sý qoımasy mańyzy joǵary strategııalyq nysan ekendigin aıtyp ótken mınıstr bul baǵytta eshqandaı qorqynysh joq ekendigin jetkizdi. Sý qoımasynyń jumysy baqylaýda.

Sondaı-aq mınıstr órt sóndirýshiler men qutqarýshylardyń jalaqysy joǵarylap, materıaldyq bazasyn nyǵaıtý jolynda atqarylyp jatqan jumystarmen tanystyrdy.

Tótenshe jaǵdaılardyń aldyn alý jáne joıý, sý tasqyny kezeńinde turǵyn úılerdi sý basýdyń aldyn alý, jylytý maýsymynda qaıǵyly oqıǵalardyń boldyrmaý maqsatynda júrgizilip jatqan jumystar jaıly baıandady.

Kezdesý sońynda ıÝrıı Ilıl halyqty jeke máseleler boıynsha qabyldady.