Arystannyń eki abdanyn Almaty oblysynyń turǵyny úıinde zańsyz ustaǵan
10:59, 04 Mamyr 2023
QONAEV. QazAqparat - Almaty oblysynda 22 jastaǵy turǵyn arystannyń 5 aılyq eki abdanyn zańsyz ustaǵan, dep habarlaıdy QazAqparat Rolisia.kz-ke silteme jasap.
«4 mamyr kúni jedel-izdestirý is-sharalaryn ótkizý kezinde Polıtsııa departamenti Uıymdasqan qylmysqa qarsy kúres basqarmasynyń qyzmetkerleri sırek kezdesetin janýarlardy, atap aıtqanda 5 aılyq eki arystandy zańsyz ustaǵan 2001 jyly týǵan A. esimdi azamatty áshkereledi.
Atalǵan derek QR Qylmystyq kodeksiniń 339-baby 1-bóliginde kózdelgen qylmystyq quqyq buzýshylyq belgileri boıynsha Qarasaı aýdanynyń polıtsııasynda tirkeldi.
Polıtsııa qyzmetkerleri tekserýden keıin ekzotıkalyq janýarlardy tárkiledi.
Atalǵan derek boıynsha qylmystyq isti tergeýdiń tolyqtyǵy men jan-jaqtylyǵyn qamtamasyz etýge baǵyttalǵan barlyq qajetti tergeý áreketteri júrgizilip jatyr.