Arystanbek Muhamedıulynyń qorǵaýshysy sotqa apellıatsııalyq shaǵym túsirdi

ASTANA. QazAqparat – Arystanbek Muhamedıulynyń qorǵaýshysy sot úkimine shaǵymdandy. Іs apellıatsııalyq satyǵa joldanady. Bul týraly QazAqparat saýalyna oraı Astana qalasynyń sotynan málim etti.

«Búgingi tańda Arystanbek Muhamedıuly Astana qalasynyń qylmystyq ister jónindegi aýdanaralyq sotynyń 2023 jylǵy 20 maýsymdaǵy úkimine apellıatsııalyq shaǵym keltirmedi. Alaıda, onyń qorǵaýshysy tarapynan úkimge apellıatsııalyq shaǵym tústi. Onyń negizinde qylmystyq is zańda kórsetilgen merzimge sáıkes apellıatsııalyq satyǵa joldanady», - delingen jaýapta.

Eske salaıyq, Ulttyq mýzeıdiń burynǵy dırektory Arystanbek Muhamedıuly 2022 jyly 28 mamyrda qamaýǵa alynǵan edi.

Bıylǵy 20 maýsymda sot úkimimen A.Muhamedıuly 8 jylǵa bas bostandyǵynan aıyryldy.

Sonymen qatar onyń syblaılastary da sottaldy.