Arystanbek Muhamedıuly vıolonchelde oınady
«Dostarym, keshe Nur-Sultanda ótken Joǵary Eýrazııalyq ekonomıkalyq keńesiniń mereıtoılyq májilisiniń qadirmendi qonaqtaryna arnalǵan kontsertimiz tabysty ótti. Bul is-shara Nursultan Nazarbaevtyń eýrazııalyq ıntegratsııa týraly ıdeıasynyń 25 jyldyǵyna jáne Eýrazııa ekonomıkalyq keńesi týraly kelisimge qol qoıylýynyń 5 jyldyǵyna arnalǵany belgili»,-dep jazdy mınıstr.
Sharaǵa Tuńǵysh Prezıdent Nursultan Nazarbaev, Memleket basshysy Qasym-Jomart Toqaev, Reseı Prezıdenti Vladımır Pýtın, Belarýs Prezıdenti Aleksandr Lýkashenko, Qyrǵyzstan Prezıdenti Sooronbaı Jeenbekov, Armenııa Premer-Mınıstri Nıkol Pashınıan, EEK janyndaǵy baqylaýshy memleket basshysy retinde Moldova Prezıdenti Igor Dodon, Tájikstan Prezıdenti Emomalı Rahmon jáne TMD Atqarýshy komıteti tóraǵasy Sergeı Lebedev qatysty.
«Mundaı qurmetti qonaqtardyń aldynda óner kórsetý - óte jaýapty is, dostarym!»,-dedi mınıstr.
Sondaı-aq ol: «Súıikti aspabym - vıoloncheldi qolyma alyp, RF Halyq ártisi Sergeı Roldýgın basqarǵan vıolonchelshiler ansamblimen óner kórsetip, frantsýz kompozıtory Sharl-Kamıl Sen-Sanstyń ataqty «Aqqý» horeografııalyq mınıatıýrasyn oryndadyq. Bizdi eki arfashy qyz súıemeldep, Aqqý rólin «Astana Opera» MOBT jetekshi solısi, QR Eńbek sińirgen qaıratkeri Áıgerim Beketaeva oryndady. Jurt aldynda oınamaǵaly biraz bolyp edi, meni bılegen qýanysh sezimin sózben jetkizý qıyn»,-dedi.
Qurmetti qonaqtar aldynda KSRO Halyq ártisi, QR Memlekettik syılyǵynyń laýreaty Álibek Dinishev, Qazaqstannyń Eńbek sińirgen ártisi, QR Memlekettik syılyǵynyń laýreaty Maıra Muhamedqyzy, Qazaqstannyń Eńbek sińirgen ártisteri Meıir Baınesh, Medet Shotabaev, «Plasıdo Domıngo Operalııasy» halyqaralyq ánshiler konkýrsynyń laýreaty, «Astana Opera» MOBT solısi Marııa Mýdrıak, QR Eńbek sińirgen qaıratkeri Arman Júdebaev (Qazaqstan Respýblıkasy), «Sazgen sazy» folklorlyq-etnografııalyq ansambli jáne dombyrashylar ansambli, halyqaralyq konkýrstar laýreaty Taıyr Tájiǵulov, halyqaralyq konkýrstar laýreaty Alfııa Abdýlmanova j.b. óner kórsetti.
«Keremet óneri úshin barlyq ártisterge shyn júrekten alǵys aıtamyn! Qadirmendi qonaqtarymyz osy kontsertten erekshe áser alyp, esterinde qalady degen senimdemin!»-deıdi Arystanbek Muhamedıuly.