Arystanbek Muhamedıuly men japon prodıýseri «Barymtashylar» kınojobasyn talqylady
«Ulttyq kınematografymyz búgingi tańda elimizdiń qaıtalanbas tarıhı-ulttyq muralaryn nasıhattaýǵa baǵyttalǵan. Sońǵy jyldary biz orasan zor jumysty atqardyq. Bizdiń mınıstrliktiń saıasaty tolyǵymen halqymyzdyń tarıhy, mádenıeti, salt-dástúri men qazirgi zamandaǵy jetistikteri, tarıhı tulǵalar, «búgingi zamannyń batyrlary» týraly fılmderdi túsirýge negizdelgen. Álemdegi jetekshi elderdiń bárindeı, jappaı prokat arqyly memleketimizdiń mádenıeti, qundylyqtary men ımıdjin kóterýimiz kerek», - dedi mınıstr.
Qazaqstan men Japonııa birigip túsiretin «Barymtashylar» kórkem fılminiń túsirilim jumysynyń bastalýyna oraı áıgili japon kınoprodıýseri Sedzo Itııama Almatyǵa 30 tamyzda ushyp kelgen bolatyn.
«Barymtashylar» fılmin qazaqstandyq rejısser Erlan Nurmuhambetov pen japon rejısseri Lısa Takeba birlesip túsirmek. Fılmniń túsirilim jumystary Almaty oblysynda búgin bastaldy.
«Sedzo Ichııama - «Tokyo Filmex» azııalyq kınofestıvaliniń negizin qalaýshylardyń biri. Onyń prodıýserligimen Takeshı Kıtano, Tszıa Djangke, Hoý Sıaosıannyń kınolary túsirilgen. Sedzo jıyrmaǵa tarta áıgili fılmderdiń prodıýseri. Ol kınokartınalardyń kóbi Kann, Venetsııa jáne Berlın kınofestıvalderine qatysqan. Fılmde 71-shi Kann kınofestıvaliniń júldegeri Samal Eslıamova, teatr jáne kıno akteri Dýlyǵa Aqmolda men japon aktery Mıraı Morııama túsedi.