Arystanbek Muhamedıuly qazaqstandyqtardy Qurban aıt merekesimen quttyqtady

ASTANA. QazAqparat - QR Mádenıet jáne sport mınıstri Arystanbek Muhamedıuly barsha qazaqstandyqtardy Qurban aıt merekesimen quttyqtady, dep habarlaıdy QazAqparat.

«Qadirli dostarym, barshańyzdy qasıetti Qurban aıt merekesimen shyn júrekten quttyqtaımyn! Bul - Islamnyń beıbitshilik, tatýlyq pen meıirimdilik dini ekenin aıqyndaıtyn, búkil álem atap ótetin jarqyn meıram. Osy kúni júrekten shyqqan tilekter júrekke jetetini sózsiz. Elimizdiń mereıi ústem bolyp, halqymyzdyń birligi nyǵaısyn! Ár shańyraqqa yrys, bereke, baqyt tileımin» dedi mınıstr quttyqtaýynda.

Sóz sońynda mınıstr qurban shalǵan barsha jannyń nıetteri qabyl bolýyn tiledi.