Arystanbek Muhamedıuly: Golovkın qazaqstandyq boks mektebiniń kúsh-qaıratyn kórsetti

ASTANA. QazAqparat - QR Mádenıet jáne sport mınıstri Arystanbek Muhamedıuly Gennadıı Golovkındi jeńisimen quttyqtady. Bul týraly mınıstrliktiń baspasóz qyzmeti habarlady.

«Qurmetti Gennadıı Gennadıevıch! Sizdiń kezekti jarqyn jeńisińizben quttyqtaýymdy qabyl alyńyz! 

Óz eliniń shyn patrıoty, naǵyz bylǵary qolǵap sheberi bolǵan siz - Otanymyzdyń maqtanyshyna aınaldyńyz. Sizdiń jeńisterińizge biz ǵana qýanbaımyz, júz mıllıondaǵan bokssúıer qaýym sizdiń qatysýyńyzben ótetin boks keshin asyǵa kútedi.
Siz - mıllıondaǵan qazaqstandyqqa úlgisiz, siz jas sportshylarǵa úlken boks álemine jol ashtyńyz jáne qazaqstandyq boks mektebiniń kúsh-qaıratyn kórsettińiz!
Taǵy da Sizdi shyn júrekten quttyqtaımyn, zor densaýlyq, tabys, jańa jeńister tileımin», delingen quttyqtaýda.
Eske sala ketsek, Londonnyń O2 arenasynda orta salmaqta WBA (Super), WBC jáne IBF nusqaýlary boıynsha álem chempıony qazaqstandyq Gennadıı Golovkın brıtandyq Kell Brýkpen sharshy alańda kezdesip, besinshi raýndta jeńiske jetti.
Bul - Brýktyń kásibı rıngte ótkizgen 37 jekpe-jegindegi alǵashqy jeńilisi. Golovkın 36-ynshy jeńisine qol jetkizdi.
Aıqastyń tolyq vıdeosyn myna jerden kórýge bolady.