Arystanbek Muhamedıuly: Gollıvýd kompanııalarynyń basshylaryn Astanada kútemiz
Aıta ketsek, Qazaqstan Prezıdenti Nursultan Nazarbaev qazirgi ýaqytta resmı saparymen Amerıka Qurama Shtattarynda júr. Búgin Memleket basshysy Nursultan Nazarbaevtyń tóraǵalyǵymen BUU Qaýipsizdik Keńesiniń otyrysy ótýde. Elbasynyń resmı sapary aıasynda QR Mádenıet jáne sport mınıstri Arystanbek Muhamedıuly da AQSh-qa barǵan.
«Bizdiń delegatsııa Amerıkanyń isker ókilderimen kezdesti. AQSh kınoóndirýshileriniń basym kópshiliginiń múddesin qorǵaıtyn Amerıkalyq kınokompanııalar qaýymdastyǵynyń (MRAA) vıtse-prezıdenti Geıl MakKınnenmen kezdesý sonyń qatarynda. Əlemge əıgili Gollıvýdtyń jyldyq bıýdjeti $30 mlrd somany qurasa, onyń shıregi AQSh-tan tys túsirilimderge jumsalady. MakKınnen hanym óz sózinde amerıkalyq kınokompanııalar Qazaqstandy kınoındýstrııaǵa tartymdy elder tizimine engenin qalaıtynyn atap ótti», - dep jazady mınıstr.
Mınıstr Los-Anjeleske jumys saparymen baryp, gollıvýdtyq iri kınokompanııalar basshylarymen kezdeskenin eske salyp, kelissózder tabysty ótkenin baıan etti.
«Keıin amerıkalyq kınobosstarmen Almatyda kezdesý boldy. Endi olardy Astanada kútemiz. Geıl MakKennenniń aıtýynsha, Gollıvýdtyń belgili menedjerlerine elimizdiń geografııalyq, tabıǵı, tehnologııalyq, ekonomıkalyq múmkinshilikteri erekshe əser etipti. Sonymen qatar, Amerıkalyq kınokompanııa qaýymdastyǵynyń vıtse- prezıdenti ınvestıtsııalyq preferentsııalardy eskeretin, kınoındýstrııany damytý úshin zań túrinde qabyldanǵan ınvestıtsııalyq alǵysharttardyń Qazaqstan úshin mańyzdy ekenin atap ótti. Onyń pikirinshe, mundaı alǵyshart jasalǵan jaǵdaıda Gollıvýdtyń on shaqty kompanııasy, əlem kınojuldyzdary Qazaqstanǵa tartylady, bul týrızmniń damýyna yqpal etedi», - deıdi mınıstr.