Arystanbek Muhamedıuly Facebook-ke oraldy
Mınıstr Facebook-te ashqan akkaýnty eki táýlikten keıin jabylýynyń sebebin tehnıkalyq aqaýlarmen baılanystyrdy.
«Qaıyrly tún, qadirli dostar! Kópshiligińiz Feısbýktyń tehnıkalyq sebeptermen akkaýntymdy jaýyp qoıǵanynan habardarsyzdar.Sizdermen qaıtadan qaýyshqanyma qýanyshtymyn! Paraqshamdy júrgizýdi endi qolǵa ala bastaǵandyqtan, sizderden túsinistik tanytýlaryńyzdy suraımyn jáne akkaýntyma qatysty keńesterińiz ben usynystaryńyzdy qýana qabyl alamyn.
Nazarlaryńyzǵa kóp rahmet!», - dep jazdy mınıstr.
Eske salaıyq, Arystanbek Muhamedıuly jýrnalısterge bergen suhbatynda paraqshanyń jabylýyn túsindire otyryp: «Men ol paraqshany ashqanyma esh ókinbeımin. Eki kúnnen keıin ony qaıtadan ashamyz. Bálkim, barlyǵy meni kóp shyndyqty aıtyp qoıa ma dep qoryqqan shyǵar. Negizgi sebep sol dep oılaımyn. Men ol paraqshany ózim júrgizemin. Keshki ýaqytta», - degen bolatyn.
Alaıda mınıstr «shyndyqtan qorqatyndar» kim ekenin aıtpaǵan edi.