Arystanbek Muhamedıuly Dımash pen Danelııaǵa sáttilik tiledi
Qazaqstandyq ánshilerge degen júrekjardy lebizin mınıstr óziniń Feısbýktegi paraqshasyna jarııalady.
«Dostarym, AQSh-ta The World's best halyqaralyq talanttar shoýy jalǵasýda, onda elimizdiń eki ánshisi - Dımash Qudaıbergen men Danelııa Tóleshova baq synaýda. Dımash Qudaıbergenniń alty oktavaly daýysy - shynymen de biregeı qubylys. Dımashty alǵash ret estip, onyń ǵajap daryn ekenin túsingen sát áli esimde. Qazirgi tańda Dımashqa jetetin ánshi joq, onyń vokal konkýrstaryna qatysýy - basqalardyń múmkindikterin kórip, sahnalyq daǵdy qalyptastyrý jolyndaǵy ánshilik tájirıbe jınaý kezeńderi. Sol sebepti biz onyń osy konkýrsqa qatysýyna atsalystyq»,-deıdi mınıstr.
Onyń aıtýynsha, 12 jasar Danelııa Tóleshova da óziniń vokaldyq qabiletimen tańqaldyrýda. Onyń talanty ózimen birge ósip kele jatyr dese de bolady. Áli balǵyn bala bolsa da, Danelııa úlken sahnaǵa jasqanbaı shyǵyp, tyńdarmandy aýzyna qaratyp, kózinen jas shyǵaryp, ánderin óte áserli oryndaıdy.
«Qyzdarynyń erekshe darynyn damytýǵa baryn salyp júrgen Danelııanyń ata-anasyna alǵysym zor. Konkýrsta onyń daýysyn fenomen dep jatyr, bul rasynda da solaı. Qazylardyń daýys berý nátıjesine kelsek, alýǵa múmkin 100 upaıdan Dımash - 98, Danelııa 96 upaı jınady. Kez kelgen konkýrs qatysýshylary úshin stress ekeni belgili. Bizdiń daryndarymyz qandaı nátıjemen oralsa da, olar biz úshin The World's best bolyp qala bermek, dostarym. Dımash ózin álemge moıyndatyp júr, al jas talant, juldyzymyz Danelııany zor bolashaq kútip tur! Biz senderdi jaqsy kóremiz! Joldaryń bolsyn! Tek qana alǵa!»,-dep aıaqtaǵan mınıstr jas daryndarǵa degen izgi tilegin.