Arystanbek Muhamedıuly Denıs Ten týraly: Barlyǵy ony jaqsy kórýshi edi
«Daryndy mánerlep syrǵanaýshy, bizdiń sportymyzdyń ańyzy Denıs Ten, dárigerlerdiń baryn salǵanyna qaramastan, qaıtys boldy. Onyń jasy endi ǵana 25-ke tolǵan edi. Bul asa qorqynyshty ári ádiletsizdik. Ata-anasy qasiretke batty, Denısti tanıtyndardyń bári qaıǵyryp otyr. Barlyǵy da ony jaqsy kórýshi, qurmetteýshi edi.
Osydan bir aı buryn ǵana Astanada «Denıs Ten jáne onyń dostary» atty muzdy shoýy ótti. Oǵan álemniń túrli elderinen mánerlep syrǵanaýshy juldyzdar jáne ataqty jattyqtyrýshy Tatıana Tarasova keldi. Denıstiń muzdy shoý Astananyń 20 jyldyǵyna arnaldy.
Al búgin bizdiń «altyn bala» Denıs baýkespe urylardyń qolynan qaza tapty. Olar Denıstiń avtomobıliniń terezesin urlamaq bolyp, sanyna pyshaq suǵyp alǵan. Denıs kóp qan joǵaltty. Shuǵyl ota jasaldy, dárigerler konsılıým ótkizdi. Denıstiń ómirin ǵajaıyp kúsh saqtap qalar edi. Biz sońǵy sátterge deıin sol ǵajapqa sendik. Ókinishke qaraı, bulaı bolmaı shyqty, - dep jazdy mınıstr óziniń Feısbýktegi paraqshasynda.
Sondaı-aq mınıstr, Denıstiń týǵan-týystaryna kóńil aıtty.
«Árıne, Denıstiń ata-anasyna qoldan kelgenshe kómektesemiz, biraq olardyń ulyn qaıtaryp bere almaımyz.
Olardyń qaıǵysyna ortaqtasyp, kóńil aıtamyz. Ótinish, qaıǵyǵa berilmeńizder. Asa qaıǵyly jaǵdaı. Orny tolmas ókinish. Imandy bolsyn», - dedi Arystanbek Muhamedıuly.