Arystanbek Muhamedıuly buqaralyq sportty damytýdaǵy kedergilerdi atady
«Buqaralyq sportqa teris áser tıgizetin máselelerdi atap ótkim keledi. Birinshi, sonymen qatar eń mańyzdy máselerdiń biri - sport ınfraqurylymynyń halyq sanyna eseptelgende jetispeýi. Sport ınfraqurylymynyń ósýi negizinen sporttyq alańdardy salý esebinen baıqalady. Al, jabyq sport qurylystarynyń sany respýblıka boıynsha, ásirese aýyldy jerlerde áli de jetispeıdi. Mysaly, mektepter janyndaǵy sport zaldary tek sabaq ótkizý úshin qoldanylady. Elimizde barlyǵy deneshynyqtyrý-saýyqtyrý zaldary boıynsha 1,5 mln sharshy metr qajettilik bar, ol is júzinde 46 paıyz qajettilikti quraıdy. Osyǵan baılanysty jáne halyqty dene shynyqtyrý jáne sportpen jappaı shuǵyldanýǵa tartý maqsatynda deneshynyqtyrý-saýyqtyrý keshenderi qurylysyn respýblıkalyq jáne jergilikti bıýdjetten birlesip qarjylandyrý esebinen qaıta jandandyrýdy usynamyz», - dedi Arystanbek Muhamedıuly.
Onyń aıtýynsha, 2014-2015 jyldary elimizdiń 8 óńirinde 18 DSK paıdalanýǵa berildi. Bul elde júıeli túrde dene shynyqtyrý jáne sportpen aınalysatyn adamdardyń sanyn 2 paıyzǵa kóbeıtýge septigin tıgizdi.
«Ekinshi másele, bilim berý mekemelerinde halyqtyń turǵylyqty jeri boıynsha jáne jappaı demalatyn oryndarda sporttyq qural-jabdyqtardyń jetispeýshiligi.
Bilim jáne ǵylym mınıstrliginiń málimeti boıynsha, eldegi jalpy bilim beretin mektepterge arnalǵan sporttyq jabdyqtardyń ortasha kórsetkishi 67,5 paıyzdy quraıdy. Kelesi másele - turǵylyqty jer boıynsha buqaralyq sporttyń álsiz damýy. Búgingi tańda elimizde dene shynyqtyrý daıyndyǵy jónindegi balalar men jasóspirimder klýbtarynyń jelisi jetkiliksiz damyǵan, olardyń sany 79 birlik. Sonymen qatar olar 6 aımaqta múlde joq. Buǵan qaramastan, olardy qysqartý jumystary júrgizilýde. Sondaı-aq, Aqmola, Atyraý, Qyzylorda jáne Ońtústik Qazaqstan oblystaryndaǵy balalar men jasóspirimder klýbtarynyń jelisi de nashar damyǵan», - dedi ol.