Arystanbek Muhamedıuly Almatyda úzdik fotograftardy marapattady

ASTANA. QazAqparat - QR Mədenıet jəne sport mınıstri Arystanbek Muhamedıuly Nıý-Iorkte ótken Halyqaralyq fotokórmede úzdik fototýyndylary kórsetilgen kásibı fotograftarǵa sertıfıkat tabys etti, dep habarlaıdy QazAqparat tilshisi vedomstvonyń baspasóz qyzmetine silteme jasap.

Vedomstvonyń habarlaýynsha, QR Mədenıet jəne sport mınıstrliginiń qoldaýymen Ǵ.Músirepov atyndaǵy Qazaq memlekettik akademııalyq balalar men jasóspirimder teatry men Respýblıkalyq sport kolledjiniń uıymdastyrýymen Almaty qalasyndaǵy mınıstrlikke qarasty óner oshaqtarynyń arasynda fýtboldan jarys ótip jatyr. Atalǵan fýtbol merekesi aıasynda «PHOTOfest.KZ» Halyqaralyq fotofestıvali aıasynda Nıý-Iork qalasynda alǵash ret ótken «Qazaqstan álem fotograftarynyń kózimen» atty Halyqaralyq fotokórmede úzdik foto týyndylary kórsetilgeni úshin kásibı fotograftarǵa Arystanbek Muhamedıuly sertıfıkat tabystaǵan.

«Eń úzdik fotograf retinde Asylhan Ábdiraıymuly, Maqsat Shaǵyrbaev, Altynbek Qartabaev, Sársenbek Qyzaıbekuly, Aǵadil Rysmahan, Ekpin Hasenjan, Samat Myrzalıev, Dosjan Balabekuly, Maksım Rojın, Amangeldi Mýtıgýllın, Serik Maıemerov, Jeńis Ysqabaı tanyldy. Al bıyl fotofestıval elordanyń 20-jyldyǵyn merekeleý aıasynda Astanada ótkeli otyr. QR Mádenıet jáne sport mınıstrliginiń qoldaýymen ótetin fotograftar sherýine álemniń eń úzdik degen foto mamandary kelýi tıis», - dep habarlaıdy baspasóz qyzmetinen.

Almaty qalasyndaǵy mınıstrlikke qarasty óner oshaqtarynan birneshe komanda fýtbol týrnırine qatysty. Atap aıtqanda, Mádenıet jáne sport mınıstrligi, Ǵ. Músirepov atyndaǵy Qazaq memlekettik akademııalyq balalar men jasóspirimder teatry, M. Lermontov atyndaǵy Memlekettik akademııalyq orys drama teatry, komedııa teatry, Respýblıkalyq Nemis drama teatry, Abaı atyndaǵy Qazaq memlekettik akademııalyq opera jáne balet teatry, T. Júrgenov atyndaǵy Qazaq ulttyq óner akademııasy jáne taǵy birneshe komandalar ózara baq synasty.