Arystaǵy joldardy jóndeý jumystarynyń 90 paıyzy aıaqtalǵan

ARYS. QazAqparat - Túrkistan oblysynyń Arys qalasynda jol tósemderin jóndeý jáne qaıta qalpyna keltirý jumystary aıaqtalýǵa jaqyn, dep habarlaıdy QazAqparat QR Indýstrııa jáne ınfraqurylym jáne damý mınıstrliginiń resmı saıtyna silteme jasap.

Jalpy uzyndyǵy 272,3 shaqyrymdy quraıtyn qalalyq joldardy teksergen mamandar 17 sektordyń 13-de jatqan 63 kósheniń jamylǵysynda aqaýlardyń baryn anyqtady.

Qazirgi tańda jolshylar avtomobıl joldarynyń 78,9 shaqyrymyn, jaıaý júrginshilerge arnalǵan joldyń 46,7 shaqyrymyn jóndeýde. Sondaı-aq, joldardyń 68,6 shaqyrymynda jaryq shamdardyń 2234, transformatorlardyń 52 danasy ornatylyp jatyr.

Arys qalasyndaǵy kóshelerdiń joldaryn qalpyna keltirý jumystaryna 2,541 mlrd teńge bólindi. Jumystar jýyrda aıaqtalady dep kútilýde. Ortasha jóndeýden qalalyq joldardyń 90 paıyzy ótken. Olardyń qorytyndylary boıynsha Arys qalasyndaǵy jaqsy jáne qanaǵattandyrarlyq jaǵdaıdaǵy joldardyń úlesi 95paıyzǵa jetkizilmek.