Arystaǵy jarylystar kezinde adasqan kishkentaı qyzdyń ata-anasy tabyldy
«Adasqan qyzymyz tabyldy. Ol - Aıala Orazhan. Sheshesi evakýatsııalanǵan jerinen - Saryaǵashtan jetti. Taǵy bir otbasy túgel boldy. Bizdiń shtab kúni boıy oǵan quddy polktiń qyzyndaı qamqorlyq jasady», - dep jazdy S.Qalqamanov Facebook-te.
Buǵan deıin QR Іshki ister mınıstriniń orynbasary ıÝrıı Ilın Arystaǵy jarylys kezinde birshama bala ata-anasynan adasyp qalǵanyn habarlaǵan bolatyn. Onyń aıtýynsha, Túrkistan oblysynyń ákimdigi árbir balany sýretke túsirip, ákimdiktiń saıtyna shyǵarý týraly sheshim qabyldaǵan.
Keshe tún ortasyna qaraı Arystaǵy jarylystar kezinde adasqan 177 bala ata-anasymen qaýyshqany habarlandy.
Artynsha QR Bilim jáne ǵylym mınıstrligi 945 balanyń týys-týǵandaryna tapsyrylǵanyn resmı málim etti.
QR Іshki ister mınıstrliginiń 26 maýsym kúngi deregine sáıkes, barlyq sábı ata-anasynyń qolyna jetti.
QR BǴM aqparatynsha, tótenshe jaǵdaı boıynsha oblystyq shtab qurylyp, turǵyndardy basqa jerlerge ornalastyratyn 48 ortalyq ashyldy. Jalpy, Arys qalasy men aýyldarda 40 mektep (18399 bala), 50 mektepke deıingi uıymdar jumys atqarady (5071 bala). Qaýipti aımaqta 13 mektep (11377 bala), 6 memlekettik, 23 jekemenshik balabaqsha (3278 bala) ornalasqan. Olardaǵy balalardyń barlyǵy qaýipsiz jerlerge kóshirildi», - delingen mınıstrlik aqparatynda.