Arystaǵy jarylysta búlingen 395 kásipkerlik nysany jóndelip jatyr
Bul jumystar «Atameken» ulttyq kásipkerler palatasyna júktelgen. Jalpy Arysta 472 kásipkerlik nysan bar bolsa, onyń 400-ge jýyǵyna zaqym kelgen. 8 nysan jaramsyz kúıge túskendikten basynan salynady. Oblys ákimi Ómirzaq Shókeev Arystyń bıznes ókilderimen arnaıy kezdesip, olardyń múddesi qorǵalatynyn aıtqan bolatyn. Osy baǵytta jaýapty basshylarǵa naqty tapsyrmalar berdi.
«Nátıjesinde búginde 395 nysanǵa aqaý aktisi jasalyp, 155-ine smetalyq qujat ázirlengen. Merdigerler de anyqtalyp, jumysqa tartylǵan. «Atameken» ultttyq kásipkerler palatasynyń Túrkistan oblystyq fılıaly arqyly kásipkerlerdiń qujattaryn jınaý, nysandarǵa aqaý aktilerin jasaý, shyǵyndardy esepteý, kásipkerlerge keńes berý jumystary qolǵa alynǵan. Fılıal dırektory D.Ábsattarovtyń aıtýynsha, «Bıznes bızneske kómektesedi» jobasy iske qosylyp, «Meniń Atamekenim» qoǵamdyq birlestigi ashqan arnaıy qorǵa Qazaqstannyń iri kompanııalary qarjylyq kómek berýdi bastap ketti. Olardyń arasynda «Qazaqmys», «QazAzot», «Bogatyr-Kómir» syndy óndiris oryndary bar» delingen habarlamada.
19 shildedegi málimet boıynsha, Arys kásipkerlerin qoldaýǵa jınalǵan qarjy 1 mlrd teńgege jetken. Qazirgi tańda 24 kásipkerlik nysanyna 63,4 mln teńge bólinip, birqatary jóndelip úlgerdi. Kásipkerlerge 3256 keńes, 2375 anyqtama berilgen.
«Sonymen birge, Arystyń bıznes ókilderi úshin 1 paıyzben 5 mln teńgege deıin nesıe berilip jatyr. Búginde jeńildikpen nesıe alý úshin jalpy somasy 1,8 mlrd teńgeni quraıtyn 368 ótinim berildi. Mamandardyń saraptaýymen quny 15 mln teńgeni quraıtyn 6 joba bekitilgen. Igi bastamalar áli jalǵasady. Bul – kásipkerlik salasy úshin úlken kómek», - dep málim etti oblys ákiminiń baspasóz qyzmeti.