Arystaǵy jarylysqa baılanysty óńirlerde arnaıy jeliler qurylýda
12:40, 24 Maýsym 2019
NUR-SULTAN. QazAqparat - Túrkistan oblysynyń Arys qalasyndaǵy jaralysqa oraı elimizdiń birqatar óńirinde «shuǵyl jeliler» ashylyp jatyr, dep habarlaıdy QazAqparat tilshisi.
«Túrkistan oblysynyń Arys qalasyndaǵy №44859 áskerı bóliminde oryn alǵan órtke baılanysty Shyǵys Qazaqstan oblysynda 8(7232)55-38-19 nómiri boıynsha «shuǵyl jeli» quryldy», - delingen Shyǵys Qazaqstan oblystyq tótenshe jaǵdaılar departamenti taratqan aqparatta. Dál osyndaı jeli Almaty qalasynda da ashyldy.
Almaty qalasy boıynsha jedel jeli telefony -8 (727) 278-20-83, 278-20-84. Sondaı-aq, Shymkent qalasy boıynsha osyndaı jeli ashylǵandyǵy týraly buǵan deıin jazǵan bolatynbyz.
Eske salsaq, Arys qalasyndaǵy áskerı bólimniń qoımasynda jarylys bolǵandyǵy týraly habarlaǵan bolatynbyz. Sondaı-aq, Qorǵanys mınıstrligi zardap shekkenderdiń joq ekendigin aıtty.