Arystaǵy jarylys aýmaǵynda qalyp qoıǵan 34 adam shyǵaryldy
14:06, 24 Maýsym 2019
ARYS. QazAqparat - Arys qalasyndaǵy jarylys aýmaǵynan 34 adam qaýipsiz aýmaqqa shyǵaryldy, dep habarlaıdy QazAqparat tilshisi.
«Arys qalasyndaǵy tótenshe jaǵdaıdan 34 adam apat aýmaǵynan jedel járdemmen tasymaldanǵan. Olar aýrýhanaǵa jatqan joq. Qaýipsiz aýmaqtarǵa jetkizildi», - delingen Qoǵamdyq densaýlyq saqtaý depertamenti taratqan habarlamada.
Eske salsaq, búgin Túrkistan oblysynyń Arys qalasyndaǵy áskerı bólimniń qoımasynda saǵat 9.20-da jarylys boldy.
QR Qorǵanys mınıstrliginiń dereginshe, jarylystan zardap shekkender joq.
QR Prezıdenti Qasym-Jomart Toqaev tıisti organdarǵa Arystaǵy áskerı bólimindegi oq-dári qoımasynda bolǵan jarylystyń zardaptaryn joıý týraly tapsyrma berdi.