Arystaǵy qoǵamdyq tártipti áskerı polıtsııanyń qosalqy jasaǵy qadaǵalaıdy
«Quqyq tártibin qamtamasyz etý maqsatynda Ulan men Taraz garnızonynyń bólimshelerinen turatyn áskerı polıtsııanyń qosalqy jasaǵy quryldy. Qoǵamdyq tártipti kúzetý jónindegi bul sharaǵa barlyǵy 100-den astam áskerı polıtsııanyń áskerı qyzmetshileri qatysady», - delingen taratylǵan aqparatta.
Vedomstvo málimetinshe, áskerı polıtsııa organdary áskerı qalashyq aýmaǵynda, áskerı qyzmetshiler turatyn jerlerde jáne qalanyń ózinde táýlik boıy sholǵyndaý uıymdastyryp, kóshirilgen jurttyń úılerin kúzetý sharalarny júrgizip jatyr. Oqıǵa oryn alǵan áskerı bólimniń baqylaý-ótkizý pýnktinde áskerı polıtsııa qyzmettik ıttermen ótkizý tártibin táýliktik baqylaýǵa alǵan.
«Áskerı nysannyń aýmaǵyna zańsyz kirýge jol bermeý jáne Arys qalasyndaǵy turǵyn úılerdi, saýda oryndary men dúkenderdi tonaý faktilerin boldyrmaý maqsatynda áskerı polıtsııa organdarynyń áskerı qyzmetshileri Ulttyq ulannyń áskerılerimen jáne quqyq qorǵaý organdarynyń qyzmetkerlerimen birge zańsyz qylmys pen ózgeniń múlkine qol suǵý faktilerin aldyn alý mindetterin atqarýda. Sondaı-aq jarylys saldaryn joıýǵa qatysatyn áskerı tehnıka men jeke quramnyń ilesip júrýi uıymdastyryldy», - dedi Qorǵanys mınıstrliginen.