Arystaǵy balalar aýylynyń jetkinshekteri maska jáne antıseptıkpen qamtamasyz etildi
17:40, 30 Naýryz 2020
ARYS. QazAqparat – Túrkistan oblysy Arystaǵy balalar aýylynyń tárbıelenýshileri medıtsınalyq qorǵanys quraldarymen qamtamasyz etildi. Igi sharany QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń qyzmetkerleri uıymdastyrdy, dep habarlaıdy QazAqparat tilshisi.
T.Tájibaev atyndaǵy otbasy úlgisindegi balalar aýylyndaǵy 63 jetkinshekti atalǵan departament qyzmetkerleri óz qamqorlyǵyna alǵan.
Olar kóp márte qoldanýǵa jaramdy 320 dana betperde men 50 lıtr antıseptıkti balalar úıine tabystap, barsha tárbıelenýshilerine saqtaný sharalaryn qatań ustaný qajettigin túsindirdi.
Álemdi qaýipti indet jaılaǵan shaqta úreı men úmittiń bel ortasynda júrgen jasóspirimderge qoǵam bolyp qoldaý kórsetýdi kózdedi.
Departament ujymynyń bul ıgi bastamasy sáýir aıynda da óz jalǵasyn tabady dep josparlanyp otyr.