Arystaǵy apat: Qyzylordada jolaýshylarǵa tegin tamaq berildi
Qyzylorda oblysy temirjol stantsııalarynda kidirgen 5 poıyzdaǵy 1200-ge jýyq jolaýshyǵa ystyq tamaq pen salqyn sý tegin taratyldy. Sondaı-aq, 15 jolaýshyǵa medıtsınalyq kómek kórsetildi.
Al «Máskeý-Bishkek», «Atyraý-Almaty» baǵytyndaǵy eki jolaýshy poıyzy «Sekseýil» stantsııasy arqyly Jezqazǵan baǵytymen Almaty, Bishkek qalalaryna jol tartty.
Jolaýshylar poıyzynyń baǵyty ózgerýine baılanysty Sekseýil stantsııasynan Qyzylorda, Túrkistan oblystaryna baratyn 500 jolaýshyǵa mejelengen jerlerine jetýi úshin arnaıy 14 vagondyq stantsııaaralyq poıyz ben 6 avtobýs qyzmet kórsetti.
Shıeli stantsııasynan 82 jolaýshyny Almaty qalasyna avtobýspen, 22 azamatty Lýgovoı, Taraz jáne Shymkent qalalaryna shaǵyn kóliktermen jóneltý uıymdastyryldy.
Sonymen qatar, Túrkistan oblysy men Shymkent qalasy aralyqtaǵy jolaýshylarǵa qyzmet kórsetildi.
Aıta ketsek, oblys ákiminiń orynbasary Murat Imandosov basshylyq etetin jedel shtab quryldy. Jedel shtab kez-kelgen ýaqytta túrli kómek kórsetýge daıyn.