Arystaǵy 15 sektorda úsh kúndik senbilik uıymdastyryldy
Atalǵan sektorda úsh kúndik senbilik uıymdastyrylyp, oǵan Arys turǵyndary men qurylysshylar qatysty, dep habarlaıdy QazAqparat tilshisi.
Báıdibektik kásipker Ahmet Birjanov óziniń baýyrlarymen birge Arysta arnaıy bir túıeni qurbandyqqa shalyp, qaladaǵy 17 sektorǵa bir-bir qoıdan berdi. Osy aımaqta ornalasqan meshitte 200-den astam adamǵa as berildi. Kópshilik jınalǵan orynda oblys ákiminiń keńesshisi Ulasbek Sádibekov pen oblystyq máslıhattyń depýtaty, Túrkistannyń týmasy Baıqadam Súleımenov, aýdan ákimi Baqytbek Tanagózovter izgi tilekterin jetkizdi.
Oblystyq Azamattyq alıansynyń tóraǵasy Sháripbek Jamalbekov pen Shymkent qalasy Azamattyq alıansynyń tóraǵasy Jumaǵalı Bilisbekov Arys qalasyndaǵy S.Adambekov atyndaǵy mekteptiń 120 oqýshysyna mektep formasyn tapsyrdy. Óz kezeginde qıyn kezeńderdi bastan ótkerip jatqan arystyq jurtshylyq atqarylyp jatqan aýqymdy ister men qaıyrymdylyq jasaǵan jandarǵa sheksiz rızashylyqtaryn bildirdi.