Arysta polıtseıler 150 qonaq shaqyrylǵan úılený toıynyń ústinen tústi

ARYS. QazAqparat - Túrkistan oblysynyń polıtseıleri karantın kezinde 150 adamdy jınap úılený toıyn jasaǵan turǵyndy anyqtady, dep habarlaıdy QazAqparat.

Barshaǵa belgili, indet jaılaǵaly beri karantın rejımi ár aımaqqa taralý qaýipine baılanysty engizilip, qadaǵalaý jumystary qolǵa alynǵan.

Ásirese jaz maýsymynda súndet toı, úılený toı, betashar sekildi jıyndardyń qarqyn alatyn kezi.

Sondyqtan osyndaı ýaqyttarda indettiń turǵyndar arasynda taralmaýy qatań qadaǵalanýy tıis.

Osy maqsatta mobıldi top músheleriniń kúndiz-túni toıhanalardy tekserip, reıdtik sharalardy atqaryp jatqany bar.

Osyndaı jumystyń nátıjesinde Túrkistan oblysy Arys qalasynda kezekti ret toı anyqtaldy.

ıAǵnı keshki ýaqytta quramynda polıtsııa qyzmetkerleri bar mobıldik top ortalyqtaǵy toıhanalardyń birinde 150 adamǵa dastarhan jaıylyp, endi bastalyp jatqan toıdy toqtatty.

Uıymdastyrylǵan úılený toıynyń ıesine aıtyp, basqa da qonaqtardyń toıhanaǵa kelmeýi habarlandy.

Sonymen qatar zań talaptary boıynsha toıhana ıesi men toıhana ákimshisine qatysty QR ÁQBtK 425-baby boıynsha is-qujattar jınaqtaldy.

ıAǵnı, zańdy shara qabyldaý úshin qujattar tıisti basqarmaǵa usynyldy.

Arystyq tártip saqshylarynyń aıtýynsha karantın talaptary engizilgennen beri aýmaqta toı-jıyn uıymdastyrýshylar sany azaıǵan.

Dese de, tártip saqshylary tarapynan indet joıylyp, shekteý sharalary alynǵansha qoǵamdyq tártip pen qaýipsizdik qadaǵalanyp, reıd kúsheıtilgen túrde atqaryla bermek.