Arysta oq-dárilerdiń jarylmaǵan bólshekterin joıý jumystary júrgizilýde -ákimdik

ARYS. QazAqparat – Arys qalasynyń ákimdigi sońǵy kezde qalada bolǵan oqıǵalarǵa qatysty pikir bildirdi, dep habarlaıdy QazAqparat tilshisi.

«№44859 áskerı bóliminde oq-dárilerdiń jarylmaǵan bólshekterin joıatyn josparly jumystardyń júrgizilip jatqandyǵyn habarlaımyz. Bul jumystar Arys qalasynyń halqy úshin qaýip tóndirmeıdi» delingen ákimdik paraqshasynda.

Eske salaıyq, 21 qyrkúıek kúni Arys qalasynan 60 shaqyrym jerde, arnaıy jasaqtalǵan polıgon aýmaǵynda oq-dári bólshegi jarylǵan bolatyn.

Bul týraly QR Qorǵanys mınıstrligine resmı habarlaǵan edi. Mınıstrliktiń málimetinshe, jarylys arnaıy jasaqtalǵan polıgon aýmaǵynda josparly jarylys jasaý jumystary kezinde oryn alǵan edi. Sonyń saldarynan 10 saper - kelisimshart áskerı qyzmetshisi jarqynshaq tıip jaraqat alǵan bolatyn. Olardyń barlyǵy mınıstrliktiń gospıtaline jatqyzyldy.

Búgin Qorǵanys mınıstri Erlan Ermekbaev zardap shekken áserılerdiń úsheýiniń jaǵdaıy aýyr ekenin habarlaǵan bolatyn. Al, bireýiniń jaǵdaıy - ortasha deńgeıdegi aýyr jáne taǵy bireýiniń jaǵdaıy – qanaǵattanarlyq ekenin jetkizdi.