Arysta mobıldi HQO jumysy uıymdastyryldy

NUR-SULTAN. QazAqparat - Arys qalasyna qaıtyp kelgen turǵyndar úshin memlekettik qyzmetterdiń der kezinde kórsetilýin qamtamasyz etý úshin mobıldi HQO-lar jumysy uıymdastyryldy. Bul týraly QazAqparat «Azamattarǵa arnalǵan úkimetke» silteme jasap habarlaıdy.

«Memlekettik qyzmetterdiń kórsetilýin Arysta 5 mobıldi HQO qamtamasyz etedi. Bul maqsatta HQO mamandarymen qatar jyljymaıtyn múlikti tirkeý, áleýmettik qamsyzdandyrý, jer kadastry men múlikti tehnıkalyq baqylaý bólimderiniń jumyskerleri jumyldyrylyp otyr. Sondaı-aq, halyqty qujattandyrý (jeke bas kýáligin, pasportty rásimdeý) úshin Túrkistan oblysynyń mıgratsııalyq polıtsııa qyzmetkerleri tartylatyn bolady», - delingen habarlamada.

Búginde Arys qalasyndaǵy HQO ǵımaratyn qalpyna keltirý jumystary bastaldy. Aldyn ala jasalǵan jospar boıynsha Halyqqa qyzmet kórsetý ortalyǵy jóndeýden keıin 2 shildeden bastap jumys isteıdi dep kútilýde.