Arysta medıtsınalyq shtab quryldy
«Túrkistan oblysy densaýlyq saqtaý basqarmasynyń basshysy Muqan Egizbaevtyń basqarýymen shuǵyl jumystar júrgizilip jatyr. Ordabasy aýdandyq ortalyq aýrýhanasynan jáne oblystyq klınıkalyq aýrýhanasynda 200-den astam naýqasqa arnalǵan oryn daıyndaldy. 30 jedel járdem kólikterin Shymkent qalasyna kirer 3 jolǵa qoıyldy. Taǵy da qajet bolǵan jaǵdaıda birneshe aýdandardan ákelingen qosymsha jedel járdem kólikteri daıyn. Oblystyq klınıkalyq aýrýhanadan travmatolog, hırýrg, reanımatolog dárigerler qurylǵan medıtsınalyq shtabqa jınaldy. Qazirgi kezde jaraqat alǵandar joq. Evakýatsııa jumystary júrgizilip jatyr. Arys qalalyq ortalyq aýrýhanasy men emhanasynan naýqastar evakýatsııa jasaldy» delingen habarlamada.
Eske salsaq, Arys qalasyndaǵy áskerı bólimniń qoımasynda jarylys bolǵandyǵy týraly habarlaǵan bolatynbyz. QR Qorǵanys mınıstrligi Arystaǵy jarylystan zardap shekkender joq ekendigin jarııalady. Toqaev Arystaǵy oq-dári qoımasyndaǵy jarylys zardaptaryn joıýdy tapsyrdy.