Arysta qansha jarylys boldy - Qorǵanys mınıstrligi
«Ártúrli baǵalaý boıynsha 30-ǵa tarta... Biraq, ol jerde eshkim naqty sanaǵan joq. Degenmen, ol jerde qansha oq-dáriniń saqtalǵanyn eskere otyryp, 40-50-den kem bolmaıtyn jarylystyń bolǵanyn boljap otyrmyz», - dedi Tımýr Dandybaev Ortalyq kommýnıkatsııalar qyzmetinde ótken baspasóz máslıhatynda.
Spıkerdiń aıtýyna qaraǵanda, qazirgi ýaqytta Arystaǵy apat elementteri beınelengen ártúrli sıpattaǵy aqparattar legi aǵylýda.
«Ol qoımada artıllerııalyq oq-dáriler, reaktıvti oq-dáriler, belsendi zymyrandy snarıadtar men granatomettar saqtalǵan. 1-3 oq-dáriniń ushý uzaqtyǵy - artıllerııalyq nemese granatomettik bolsyn - 200 metrdeı bolǵan. ıAǵnı, áskerı bólim aýmaǵyn alǵan. Tek reaktıvti snarıadtar ushý uzaqtyǵy jaǵynan 20 shaqyrymǵa deıin shyrqap ketken. Biraq, ol snarıadtar jarylmaı, metall zattar kúıinde jan-jaqqa shashyraǵan. Alaıda jerge túsken kezde adamdardy jaralap, tipti óltirip ketýge ábden qaýqarly edi. Máselen, qaza bolǵan azamat dál osyndaı jarylystyń epıtsentrinde qalǵan», - dedi spıker.
Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Buǵan deıin úsh adam qaza tapty. 170-ke jýyq adam zardap shekti. 20-ǵa jýyq úı, 9 qora-qopsy janyp, dalaly aýmaqta 14 oshaq tutandy. Úı-jaılar men ǵımarattardyń 80-90 paıyzyna ártúrli deńgeıde zaqym keldi. Birqatar óńirde shuǵyl jeliler quryldy.
Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi. Sondaı-aq Elbasy Nursultan Nazarbaev Arystaǵy jaǵdaıǵa alańdaýshylyq bildirdi.
Búgingi Úkimet otyrysynda Premer-Mınıstr Asqar Mamın jarylys saldarynan kóz jumǵandardyń týǵan-týystaryna kóńil aıtyp, turǵyndarǵa barlyq kómek kórsetiletinin aıtty.
Evakýatsııalaý kezinde myńnan astam ata-ana balarynan kóz jazyp qaldy. Qazirgi ýaqytta olardyń barlyǵy da balalarymen qaýyshty, barlyǵy din-aman.
Fakti boıynsha qylmystyq is qozǵady.
Qaladaǵy tótenshe jaǵdaı jolaýshylar poıyzdarynyń kestesine de áser etti.
25 maýsym, saǵat 12.00-degi jaǵdaı boıynsha áskerı bólim aýmaǵynda jarylystar toqtady. Degenmen, oq-dáriler saqtalatyn qoımalardyń aýmaǵynda byqsyǵan ottyń oshaqtary baıqalǵandyqtan, QR Іshki ister mınıstrligi jarylystardyń qaıtalaný qaýpi saqtalyp otyrǵanyn eskertti.
Osy ýaqytta QR Qorǵanys mınıstrliginiń áskerı-ınjenerlik qyzmetshileri Arys qalasyn mınadan tazalaý jumystaryn júrgizip jatyr. Snarıadtardyń deni turǵyn úı alqaptaryna túsken.
Arys turǵyndaryna kómek qolyn sozý maqsatynda elimizde «Arys, biz birgemiz» aktsııasy bastaý aldy.