Arysta ınfraqurylymdyq júıeler retke keltirildi

ARYS. QazAqparat – Túrkistan oblysynyń Arys qalasynda ınfraqurylymdy retteý barysynda shahardaǵy káriz júıeleri tolyq jóndeýden ótti, dep habarlaıdy QazAqparat.

Aımaq ákiminiń baspasóz qyzmetinen málim etkendeı, káriz júıelerinde qaldyqty sýlardy aıdaıtyn 6 nysanda (GKNS, №1, №2, №5, №7 jáne «Kóktem») aǵymdaǵy jóndeý jumystar atqaryldy. Atap aıtqanda, negizgi jáne káriz sýyn aıdaý stansalarynda árleý jumystary aıaqtalyp, qondyrǵylar (dızeldi generatorlar, elektrotelferler, aýa aıdaǵyshtar, gazoanalızatorlar, syrmalar) ornatylýda. Qosymsha úlken káriz sýyn aıdaý qondyrǵylary ornatyldy.

«Sonymen qatar, tótenshe jaǵdaı kezinde Arys kóshelerine de zaqym kelgeni belgili. Osy olqylyqtyń ornyn toltyrý barysynda 37 kóshede asfalt salý, trotýar salý jumystary aıaqtaldy. Úsh kóshede (KH-128 a/j, Ahynbekov, Qonaev) atqarylatyn jumystardyń aýqymdy bolýyna baılanysty jumystar jalǵasýda. 16 kósheda trotýar salý jumystary aıaqtalyp, jaryqtandyrý júrgizilip jatyr. Taǵy 6 kóshede jaryqtandyrý jumystary atqarylýda. Jalpy, kóshelerdi jóndeý, jaryqtandyrý, aıaqjol salý jumystarynyń 80% jýyǵy oryndaldy», - dedi oblys ákimdiginen.