Arysta azyq-túlik jármeńkesi ótti

ARYS. QazAqparat - Túrkistan oblysynyń ákimi Ómirzaq Shókeevtiń bastamasymen Arys qalasynyń ortalyq alańynda jergilikti turǵyndarǵa arnalǵan aýyl sharýashylyǵy ónimderiniń jármeńkesi ótti. Bul jóninde oblys ákiminiń baspasóz qyzmetine silteme jasap QazAqparat habarlaıdy.

Jármeńkege 50-ge jýyq taýar óndirýshi, 180 tonnadan astam aýyl sharýashylyǵy ónimderi qoıyldy. Ónimder qala turǵyndaryna bazar narqynan 30 paıyzǵa tómen baǵada usynyldy.

Jármeńkege jetkiziletin ónimder barlyq aýdan, qalalardyń damý basymdyqtaryna sáıkes óndirilip, jınaqtalǵan.

Aıta keterligi, jármeńkege jetkizilgen et jáne et ónimderiniń jalpy kólemi - 22,5 tonna, kókónistiń jalpy kólemi - 54,5 tonna, sút ónimderiniń jalpy kólemi - 24,4 tonna, baqsha ónimderiniń jalpy kólemi - 41 tonna, jemis-jıdektiń jalpy kólemi - 16,7 tonna, áseldiń kólemi - 2 tonna, balyqtyń kólemi - 5 tonna.

Budan bólek, jármeńkege oblysqa tanymal ónerpazdar qatysyp, arystyqtarǵa kontserttik baǵdarlama usyndy. Aldaǵy ýaqytta jergilikti turǵyndarǵa arnalǵan jármeńke jalǵasyn tabady.