Arysta 100 oqýshyǵa mektep quraldary tabys etildi

ARYS. QazAqparat - «Biz Aryspen birgemiz» aktsııasy aıasynda Arys qalasy Á. Jangeldın atyndaǵy mektepte Almaty qalasy «StartTime» JShS bastamasymen «Mektepke daıarlyq» atty shara ótti. Onyń aıasynda 100 oqýshyǵa sómke, oqý qural-jabdyqtary men qosa mektep formasyn tabystaldy, dep habarlaıdy QazAqparat oblys ákiminiń baspasóz qyzmetine silteme jasap.

Atalmysh sharany uıymdastyrýshy - Túrkistan oblystyq otbasy, balalar jáne jastar isteri jónindegi basqarmasy men «Jastar resýrstyq ortalyǵy.

Bul syılyqtar «StartTime.kz» portalynda Arys qalasyna kómek retinde 400-den asa qazaqstandyqtan jınalǵan 2 mln 700 myń teńge qarajat esebinen jasaldy.

Igi bastamanyń basy-qasynda «StartTime» JShS dırektory Azıza Ótegenova, Túrkistan oblystyq otbasy, balalar jáne jastar isteri jónindegi basqarmasynyń «Jastar resýrstyq ortalyǵy» mamandary jáne Arys qalasy bilim bóliminiń basshylyǵy júrdi.

Aıta keteıik, 26 maýsymnan bastap «StartTime» JShS eriktiler toby Shymkent qalasyndaǵy evýakýatsııalyq pýnktterde kómek kórsetti. Osy kómekten soń, jınalǵan 1, 4 mln teńge qarajatty «Arys qalasyndaǵy kópbalaly otbasylardan shyqqan oqýshylarǵa mektepke arnalǵan sómke taǵy basqa oqýǵa qajetti jabdyqtar alýǵa jumsaý týraly sheshim qabyldaǵan bolatyn.