Arys turǵyny 40 kelilik qoshqardy 3555 ret kóterip, Qazaqstan rekordtar kitabyna endi

TÚRKІSTAN. QazAqparat - Arys qalasynyń turǵyny Azamat Maqulbekov qoshqar kóterýden jańa rekord ornatyp, resmı túrde Qazaqstan rekordtar kitabyna (KInES) endi. Ol salmaǵy 40 keli qoshqardy 5 saǵat 26 mınýtta 3555 ret kóterdi, dep habarlaıdy QazAqparat tilshisi

37 jastaǵy Azamat Nurǵalıuly qurylys salasynda qyzmet etedi. Sporttyń birneshe túrimen aınalysady.

Qoshqar kóterý saıysyna qyzyǵýshylyǵy 2018 jyldan bastalǵan. Sodan beri kóptegen jarystarda júldeli oryndardy ıelengen.

Túrkistan qalasynda ótken sharada bilekti jigit 40 keli bolatyn qoshqardy 5 saǵat 26 mınýtta 3555 ret kóterdi.

Bul - Qazaqstan boıynsha eń sońǵy rekord.

Jıynda Qazaqstan rekordtar kitabynyń (KInES) keıipkeri retinde Azamatqa arnaıy kýálik tabystaldy.

Túrkistan oblysy ákiminiń orynbasary Beısen Tájibaev bilekti azamatty arnaıy qabyldap, jeńisimen quttyqtady.

«Qoshqar kóterý — qazaqtyń ulttyq sportynyń bir túri. Buqaralyq sporttyq saıystarǵa qatysyp, nasıhattap kele jatqanyńyz úshin alǵys bildiremiz. Bul — eńbekpen ári tyńǵylyqty daıyndyqpen keletin jetistik. Osy baǵytta áli de oblysymyzdy tanytýǵa atsalysasyz degen senimimiz mol», — deıdi Beısen Tájibaev.

Aldaǵy ýaqytta balýan álemdik deńgeıdegi saıystarda baq synamaq.

Shetelderde ótetin alyptar saıysyna qatysyp, 5 myń ret mýlıaj kóterý arqyly halyqaralyq deńgeıde Gınnes rekordtar kitabyna josparlap otyr.