Arys turǵyndaryna qansha ótemaqy beriledi

NUR-SULTAN. QazAqparat - Arys qalasynyń turǵyndaryna kómek kórsetý úshin bıýdjetten jáne bıýdjetten tys qarajat jumsalatyn bolady. Bul týraly Ortalyq komýnıkatsııalar qyzmetindegi brıfıngte QR Іshki ister mınıstriniń orynbasary ıÝrıı Ilın aıtty, dep habarlaıdy QazAqparat tilshisi.

«Turǵyn úı qurylystarynyń basym bóligi saqtandyrylmaǵan shyǵar. Sondyqtan árbir úıge, ony qaıta qalpyna keltirý kólemine baılanysty jeke-jeke sheshim qabyldanatyn bolady. Bul úshin komıssııa quryldy, baǵalaý júrgizilip jatyr», - dedi ol.

Onyń aıtýynsha, Arysta qalpyna keltirý jumystaryna bıýdjet qarajatynan tys aqsha da tartylady. Qazirdiń ózinde kóptegen bıýdjettik uıymdar, memlekettik organdar, jeke kompanııalar Arystyń zardap shekken turǵyndaryna kómek kórsetý úshin aqshalaı qarajat aýdaryp jatyr.

«Sol sebepti qarjylandyrý ártúrli kózderden, onyń ishinde bıýdjetten tys kózderden de júrgiziledi. Qarjylandyrý kólemi baǵalaý komıssııasyn baılanysty. Memleket basshysynyń tapsyrmasyna sáıkes jumystar qysqa merzimniń ishinde aıaqtalýy tıis. Ákimdikter de barynsha jumys isteıdi. Respýblıkalyq bıýdjetten bólinetin qajetit qarjylandyrý kólemi boıynsha esep usynylady», - dedi QR ІІM orynbasary.