Arys turǵyndaryna el óńirlerinen gýmanıtarlyq kómek jalǵasýda

ShYMKENT. QazAqparat - Arys qalasynan evakýatsııalanǵan turǵyndarǵa arnalǵan gýmanıtarlyq júkterdi qabyldaý táýlik boıyna júrgizilýde, dep habarlaıdy QazAqparat.

Búginde Shymkent qalasy, Abaı aýdany, Yntymaq shaǵynaýdany, 592/3 mekenjaıyna Jambyl oblysynan 36 tonna azyq-túlik taýarlary men jeke gıgıenalyq zattar jetkizildi. Atap aıtqanda, 18 myń tonna birinshi sanattaǵy jumyrtqa, 10 tonna un, 1300 dana nan, 10 tonna qant, 2000 lıtr sút jəne taǵy basqalary.

Túnde Qyzylorda oblysynan gýmanıtarlyq júk tıelgen birneshe júk kóligi qabyldandy.

Aldaǵy ýaqytta basqa da óńirlerden kómek júkteri keledi dep kútilýde.

Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Buǵan deıin úsh adam qaza tapty. 170-ke jýyq adam zardap shekti. 20-ǵa jýyq úı, 9 qora-qopsy janyp, dalaly aýmaqta 14 oshaq tutandy. Úı-jaılar men ǵımarattardyń 80-90 paıyzyna ártúrli deńgeıde zaqym keldi. Birqatar óńirde shuǵyl jeliler quryldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi. Sondaı-aq Elbasy Nursultan Nazarbaev Arystaǵy jaǵdaıǵa alańdaýshylyq bildirdi.

Búgingi Úkimet otyrysynda Premer-Mınıstr Asqar Mamın jarylys saldarynan kóz jumǵandardyń týǵan-týystaryna kóńil aıtyp, turǵyndarǵa barlyq kómek kórsetiletinin aıtty.

Evakýatsııalaý kezinde myńnan astam ata-ana balarynan kóz jazyp qaldy. Qazirgi ýaqytta olardyń barlyǵy da balalarymen qaýyshty, barlyǵy din-aman.

Fakti boıynsha qylmystyq is qozǵady.

Qaladaǵy tótenshe jaǵdaı jolaýshylar poıyzdarynyń kestesine de áser etti.

25 maýsym, saǵat 12.00-degi jaǵdaı boıynsha áskerı bólim aýmaǵynda jarylystar toqtady. Degenmen, oq-dáriler saqtalatyn qoımalardyń aýmaǵynda byqsyǵan ottyń oshaqtary baıqalǵandyqtan, QR Іshki ister mınıstrligi jarylystardyń qaıtalaný qaýpi saqtalyp otyrǵanyn eskertti.

Osy ýaqytta QR Qorǵanys mınıstrliginiń áskerı-ınjenerlik qyzmetshileri Arys qalasyn mınadan tazalaý jumystaryn júrgizip jatyr. Snarıadtardyń deni turǵyn úı alqaptaryna túsken.

Arys turǵyndaryna kómek qolyn sozý maqsatynda elimizde «Arys, biz birgemiz» aktsııasy bastaý aldy.