Arys turǵyndaryn qaıta qujattandyrý bastaldy
Qaladaǵy evakýatsııalaý pýnktterinde «Azamattarǵa arnalǵan úkimet» memlekettik korporatsııasynyń mamandary zardap shekkenderge keńes berip, memlekettik qyzmetterdiń kórsetilýin qamtamasyz etýde.
Sondaı-aq, jergilikti atqarýshy bılik organdarymen birlesip, qaladan qutqarylǵan jáne evakýatsııalaý oryndaryna jetkizilgen adamdardyń tizimin jasaýǵa járdemdesýde.
Búgingi tańda bul jumystar Shymkent qalasynda 15 jáne Túrkistan oblysynyń Ordabasy, Saryaǵash, Qazyǵurt, Otyrar, Shardara aýdandary men Arys mańyndaǵy aýyldary úshin 13 evakýatsııalaý orny janynan arnaıy ashylǵan pýnkterde uıymdastyrylǵan.
Memlekettik korporatsııa qyzmetkerleri qajetti memlekettik qyzmetterdi kórsetip, mobıldi HQO jumys isteýde. Qyzmetkerler zardap shekkenderge aqparattyq anyqtamalardy alyp berip, qujattardy qalpyna keltirý boıynsha qajetti qaǵazdardy ázirleýde.
Bul rette turǵyndardy qujattandyrý boıynsha mıgratsııalyq qyzmet basqarmasymen jedel túrde yqpaldasý sharalary qolǵa alynǵan.