Arys: Qaraǵandylyqtarǵa júktelgen sektorda qurylys qarqyndy júrýde

ARYS. QazAqparat - Qaraǵandy oblysynyń ákimi Erlan Qoshanov jumys saparymen Arys qalasyna keldi. Oblysqa júktelgen sektordaǵy qurylys barysymen tanysýǵa arnaıy kelgen ol, Túrkistan oblysynyń ákimi Ómirzaq Shókeevpen birge turǵyndarmen kezdesti, dep habarlaıdy QazAqparat.

Jalpy Qaraǵandy oblysyna №5 sektordaǵy 11 kópqabatty úı (519 páter) men 72 jeke úıdiń jóndeý jumystary tapsyrylǵan. Dálirek aıtsaq, shatyrlar men terezeler aýystyrylyp, ózge de jumystar atqarylýy qajet.

Qaraǵandylyq kásipker ári metsenat Aleksandr Boıko jergilikti turǵyndarǵa syılyq retinde sport alańshasyn syıǵa tartady.

«Kópqabatty úılerdiń turǵyndary qurylysty jedel júrgizip jatqan qaraǵandylyq aǵaıynǵa rızashylyqtaryn bildirdi. Bul sektordaǵy eń kóp zardap shekken nysannyń biri - S.Qojanov atyndaǵy 1200 oryndyq mektep. Bul bilim uıasynda jumystar talapqa saı atqarylyp jatyr. Mektepke baryp, ustazdar qaýymymen kezdesken Erlan Qoshanov jumysty ýaqytyly aıaqtaıtynyn aıtty. Mektep ujymyna sporttyq qurylǵylardy syıǵa tartty», - dedi Túrkistan oblysy ákiminiń baspasóz qyzmetinen.