Arys qalasynyń balalary demalý úshin Pavlodarǵa keldi
"Qazaqstan" telearnasynyń Pavlodar oblystyq fılıalynyń Feısbýkte taraǵan vıdeo materıalyna qaraǵanda, balalarǵa ońtústikten kelip, Pavlodarda bilim alyp jatqan stýdentter jetekshilik etedi. ıAǵnı, úıden jyraqqa shyqqan jetkinshekter jabyrqap, jat jerdi tosyrqamaýy eskerilgen.
"Kópbalaly, basqa dep mártebege bólmedik. Tek Arys qalasynan bolsa bolǵany. Sebebi, qandaı jaǵdaıǵa baılanysty bolsa da, otbasylyq jaǵdaıy qandaı bolsa da, biz Arystan shyǵýǵa, Pavlodarǵa kelýge nıeti bolsa alyp keldik", - dedi telearnaǵa suhbat bergen Pavlodar oblystyq bilim berý basqarmasynyń bastyǵy Dinıslam Bolathanuly.
Arystan kelip jetken jas jetkinshekterdi oblys ákiminiń orynbasary Ashat Oralov qarsy alǵan.
"Arys balalaryna pavlodarlyqtardyń qonaqjaılyǵyn, jergilikti Jasybaı, Sabyndykól men Toraıǵyr kólderiniń, jalpy tabıǵatymyzdyń sulýlyǵyn tanytýymyz qajet. Oǵan qosa, qonaqtarymyz bizdiń óńirdiń baı tarıhı-mádenı muralarymyzben tanysýy kerek. Oblys basshylyǵy atynan sizderge osy 15 kúndik demalyq mazmundy, qyzyqty ótýine tilek bildiremiz. Biz, óz kezegimizde, sizderge barynsha jaǵdaı jasaýǵa tyrysamyz", - deıdi Ashat Oralov.
Oblystyq bilim berý basqarmasynyń málimetinshe, , Arys balalary úshin Baıanaýyl aýdanyndaǵy «Jas dáýren», Sharbaqty aýdanyndaǵy «Chaıka», Pavlodar aýdanyndaǵy «Baldáýren» jáne Belovka aýylyndaǵy «Qazhrom» lagerleri jumys isteıdi.