Arys qalasynda jańa kópir ashyldy

ShYMKENT. QazAqparat - Taıaýda Qazaqstan Respýblıkasy Táýelsizdiginiń 25 jyldyǵy men Qazaqstan Respýblıkasynyń Konstıtýtsııa kúnine jáne Arys qalasynyń 60 jyldyq mereıtoılaryna oraı Stadıon turǵyn aýdanynda jergilikti turǵyndar úshin kópir paıdalanýǵa berildi.

Ońtústik Qazaqstan oblysy ákimdiginiń baspasóz qyzmetiniń habarlaýynsha, kópirdiń saltanatty ashylý rásimine qala ákimi S. Ertaı, qala ákiminiń orynbasarlary, mekeme, bólim basshylary men qyzmetkerleri, aýyldyq okrýg ákimderi, zııaly qaýym ókilderi, jastar jáne BAQ ókilderi qatysty.

Saltanatty túrde ashylǵan kópirdiń lentasyn qala ákimi S.Ertaı jáne Arys qalalyq «Ardagerler keńesiniń» tóraǵasy B.Islambekov qıyp ashty.

Aıta keteıik, kópir qurylysyn bas merdiger «SK»DAR» jaýapkershiligi shekteýli seriktestigi júrgizdi. Kópirdiń jalpy uzyndyǵy 63 metr, al eni 4 metr. Saltanatty ashylý rásimi úshin qalalyq mádenıet úıiniń ónerpazdary kontserttik baǵdarlama uıymdastyryp, óz ónerlerin kórsetti.

Staıstıkalyq málimetter boıynsha Arys qalasynda  2016 jyldyń 6 aıyna qurylys jumystarynyń kólemi 876,6 mln. teńgeni qurap, naqty kólem ındeksi 100% oryndaldy. Alǵashqy jarty jyldyqta 494,2 mln. teńgege 10545 sharshy metr turǵyn úı iske qosyldy.