Arys qalasynda «Altyn kúz–2019» jármeńkesi ótti

ARYS. QazAqparat – Túrkistan oblysy, Arys qalasynda «Altyn kúz–2019» jármeńkesi ótti. Arys temirjol vokzaly aldyndaǵy jármeńke alańshasynda sharýalardyń óndirgen ónimderi arzan baǵada saýdalandy, dep habarlaıdy QazAqparat tilshisi.

Jármeńkege Aqdala, Baıyrqum, Jıdeli, Dermene, Montaıtas, Qojatoǵaı aýyldyq okrýgterinen kelgen sharýa qojalyqtary men jeke kásipkerler jáne «Ordabasy qus» JShS fermasy ózderiniń óndirgen ónimderin halyqqa bazar baǵasynan 20-30 paıyz tómen baǵada usyndy.

Merekede aýyl sharýashylyq ónimderiniń kórmesi uıymdastyryldy.

Sharaǵa qatysqan aýdan ákimi Murat Qadyrbek barsha aýyl sharýashylyq salasynyń mamandaryn merekemen quttyqtap, óz eńbekterimen joǵary kórsetkishterge ıe bolǵan aýdan eńbekkerlerin marapattady.

Jıyn-terim naýqanyn tabysty aıaqtaǵan arystyq sharýalar tabandy eńbek pen talapty kásiptiń arqasynda jaqsy ónim jınap, jaqsy kórsetkishterge qol jetkizdi. Egilgen astyq pen dándi daqyl ysyrap bolmaı, der kezinde jınalyp alyndy.

Іs-shara sońy aýdan ónerpazdarynyń kontserttik baǵdarlamasyna ulasty