Arys qalasynda 551 úı qalpyna keltirildi - mınıstrlik

NUR-SULTAN. QazAqparat - Qurylysshylar táýligine taǵy da 81 turǵyn úı tapsyrdy. Bul málimetterdi búgin QR Indýstrııa jáne ınfraqurylymdyq damý mınıstrliginiń baspasóz qyzmeti málim etti, dep habarlaıdy QazAqparat.

Baspasóz qyzmeti tartaqan málimetterge qaraǵanda, 2019 jylǵy 10 shildedegi jaǵdaı boıynsha Túrkistan oblysynyń Arys qalasynda 551 úıde qalpyna keltirý jumystary júrgizildi. Aýqymdy jumysqa 184 qurylys kompanııasy tartylǵan.

Qurylys jáne turǵyn úı-kommýnaldyq sharýashylyq isteri komıtetiniń málimetteri boıynsha, 4 myńnan astam qurylysshy men 186 birlik arnaıy tehnıka qazirgi tańda taǵy 2725 jeke turǵyn úı qurylysy men KPTÚ nysanyn qalpyna keltirýde. Kún saıyn qalpyna keletin úılerdiń sany 70-90-ǵa kóbeıdi. 9 shildedegi jaǵdaı boıynsha qurylys brıgadalary 2640 turǵyn úıdi, al bir kún buryn 2566 turǵyn úıdi jóndeý jumystarymen qamtydy.



Esterińizge sala keteıik, Arys 17 sektorǵa bólinip, ár óńir men respýblıkalyq mańyzy bar qalaǵa bekitilgen. 2019 jylǵy 6 shildede Premer-Mınıstrdiń orynbasary Jeńis Qasymbek pen IIDM vıtse-mınıstri Qaıyrbek Óskenbaev pen Túrkistan oblysynyń ákimi Ómirzaq Shókeev ákimdikterdiń ókilderimen keńes ótkizip, jaýapty tulǵalardan qalany qalpyna keltirý qarqynyn jedeldetýdi surady.

Elbasynyń jáne Memleket basshysynyń tapsyrmasy boıynsha barlyq búlingen jáne buzylǵan obektiler 2019 jyldyń 1 tamyzyna deıin tapsyrylýy tıis.

QR IIDM vıtse-mınıstri Qaıyrbek Óskenbaevtyń aıtýynsha, úılerdiń monıtorıngi men qurylys barysyn baqylaý kún saıyn júrgiziledi.