Arys qalasynda 240 otbasy baspanaly boldy
10:07, 25 Naýryz 2022
TÚRKІSTAN. QazAqparat – Arys qalasynda 240 otbasy baspanaly boldy, dep habarlaıdy QazAqparat tilshisi.
«Nurly jer» baǵdarlamasy aıasynda salynǵan úılerge kezekte turǵan az qamtylǵan, kópbalaly otbasylar, jetim jáne halyqtyń áleýmettik osal toby sanatyndaǵy basqa da azamattar ıe boldy.
Jańa páter ıelerin QR Parlament Senatynyń depýtaty Álı Bektaev pen Álimjan Qurtaev jáne qala ákimi Gúljan Qurmanbekova arnaıy quttyqtap, kiltterdi tabys etti.
«Kóktem-2» turǵyn aýdanynda boı kótergen 5 qabattan turatyn 4 kópqabatty úıdiń jalpy kólemi 12 308 sharshy metrdi quraıdy. 60 páterden turatyn árbir ǵımaratta 1 bólmeli – 15 páter, 2 bólmeli – 15 páter, 3 bólmeli – 30 páter bar.
Aıta keteıik, qazirgi tańda Arys qalasy boıynsha turǵyn úı qorynan páter alý úshin kezekte 2 200-den astam adam tur.