Arys qalasynda 1620 turǵyn úı jóndeldi

NUR-SULTAN. QazAqparat – Qurylys jáne turǵyn úı-kommýnaldyq sharýashylyq isteri komıtetiniń málimetinshe, Arysta 1620 úı qaıta qalpyna keltirilgen. Qazirgi tańda qurylysshylar 4798 jeke jáne kópqabatty turǵyn úıde jumys júrgizip jatyr, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Arystyń turǵyn úı qoryn 7136 qurylysshy qalpyna keltirýde. Olardyń qatary kún sanap artyp keledi (bir kún buryn 7037 jumysshy bolǵan). 17 sektorda 213 qurylys kompanııasy eńbektenip júr. 269 arnaıy tehnıka tartylǵan. Elbasy men Memleket basshysynyń tapsyrmasyna sáıkes, barlyq zaqymdanǵan jáne qulaǵan nysandar 1 tamyzǵa deıin qoldanysqa berilýi kerek.

Sondaı-aq, qalanyń áleýmettik nysandaryn qaıta qalpyna keltirý isine 1941 qurylysshy tartylǵan.

Eske salaıyq, Arystaǵy polıgonda bolǵan jarystan 66 ǵımarat zardap shekken edi (52 bilim nysany, 8 medıtsına mekemesi, 4 sport nysany jáne Dańq alleıasy). Tórt nysan qaıta salynyp, belgilengen ýaqytta paıdalanýǵa beriledi.

Qurylys barysyna QR Indýstrııa jáne ınfraqurylymdyq damý mınıstrliginiń birinshi vıtse-mınıstri Qaıyrbek Óskenbaev kún saıyn monıtorıng jáne baqylaý júrgizip otyr.