Arys qalasynan 150 bala Kaspıı jaǵalaýynda tegin demalady

AQTAÝ. QazAqparat - 16-30 shilde aralyǵynda Arys qalasynan 50 bala Aqtaýdaǵy «Baldáýren» balalar lagerinde demalady dep josparlanýda, dep habarlaıdy QazAqparat tilshisi.

Sonymen qatar, «Alaý» lagerinde 100 balaǵa jazǵy demalys uıymdastyrylady. Eki lager de Aqtaýdaǵy Kaspıı jaǵalaýynda ornalasqan.

Balalardyń ýaqytyn tıimdi ótkizip, densaýlyǵyn nyǵaıtýdy kózdeıtin «Alaý» saýyqtyrý lageri 1987 jyly «Mańǵystaýmunaıgaz» kompanııasynyń jáne jumysshylardyń kúshimen salynǵan. Osy 30 jyldyń ishinde «Alaýda» 30 myńǵa jýyq bala demalǵan. Munda balalar kúnine 5 mezgil tamaqtanady. Olar Aqtaý qalasynyń kórikti jerlerin, murajaı men botanıkalyq baqty aralap, kınoteatrlarda, oıyn-saýyq attraktsıonynda alańsyz demalyp, kóńil kóteredi.

Odan bólek, bekire fermasy, túıequs sharýashylyǵynyń jumysyn tamashalap, túrli sala qyzmetkerlerimen kezdesý uıymdastyrylady.