«Arys, biz birgemiz» aktsııasy: Kásipkerler gýmanıtarlyq kómek kórsetýde

NUR-SULTAN. QazAqparat - «Arys, biz birgemiz» aktsııasynda elimizdiń kásipkerleri Arys qalasynyń turǵyndaryna gýmanıtarlyq kómek kórsetýde. Bul týraly «Arys, biz birgemiz» telemarafony barysynda «Atameken» UKP Basqarma tóraǵasynyń orynbasary Oljas Ordabaev málim etti, dep habarlaıdy QazAqparat tilshisi.

«Kásipkerler de belsendi qatysyp jatyr. Shymkent, Túrkistan qalasynyń kásipkerleri alǵashqy mınýttardan kómek kórsetip, halyqpen birge ekenin kórsetti. Al Shymkent qalasyndaǵy «Intertıch» emhanasy júginýshilerge tegin qyzmet kórsetti», - dedi ol.

«Atameken» ókiliniń aıtýynsha, kásipkerik sektor da qoǵamnyń bir bólshegi retinde el bolyp jumylǵan bul sharadan tys qalmaıdy.

« Kásipkerler sektory Arystaǵy aǵaıynǵa kómek kórsetýde. Ásirese shaǵyn jáne orta bıznes ókilderi belsendilik tanytyp jatyr. Kásipkerler de el arasynan shyqqanda mundaı jaǵdaıǵa jurtpen birge bolýdy paryzy dep sanaıdy. Osy sátti paıdalanyp barlyq kásipkerlerdi osy iske atsalysýǵa shaqyramyz», - dedi Ojas Ordabaev.

Eske sala ketsek, Arystaǵy jarylystan zardap shekkenderge kómek qolyn sozý maqsatynda elimizde «Arys, biz birgemiz» aktsııasy bastaldy. Aktsııa aıasynda Mádenıet jáne sport mınıstrligi, Eńbek jáne halyqty áleýmettik qorǵaý mınıstrliginiń qyzmetkerleri bir kúndik jalaqysyn aýdarmaq. Osy bastamaǵa depýtattar da qosylǵan.

Aktsııa aıasynda Túrkistan oblysy Arys qalasyndaǵy oqıǵadan zardap shekkenderge járdem berý úshin oblys ákimshiliginiń janynan ashylǵan «Túrkistan» korporatıvtik áleýmettik damý qoryna habarlasýyńyzǵa bolady.

«Túrkistan» korporatıvtik áleýmettik damý qory rekvızıtteri

Túrkistan oblysy

Túrkistan qalasy, Kyzylorda tas joly , 34 A ǵımaraty,

Poshta ındeksi 161200

BSN (BIN) 100440016000

«ForteBank» AQ Túrkistan qalasyndaǵy fılıaly

JSK (IIK) KZ7196528F0007014540

BSK (BIK) IRTYKZKA