Arys balalary jaz boıy elimizdegi lagerlerde demalady

ARYS. QazAqparat - Bıyl arystyq 4010 bala jaz boıy elimizdegi lagerlerde demalatyn boldy. 27 maýsym men 9 shilde aralyǵynda barlyǵy 1395 bala ózge óńirlerge demalýǵa ketken. Bul týraly búgin Arys qalasynda ótken brıfıngte qalalyq bilim bóliminiń basshysy Ábdihan Musaev aıtty, dep habarlaıdy QazAqparat tilshisi.

Ábdihan Musaevtyń sózinshe, Pavlodar oblysyna - 300, Aqmola oblysyna - 145, Jambyl oblysy - 223, Almaty - 150, Batys Qazaqstan oblysyna - 47, Shyǵys Qazaqstan oblysyna - 150, Nur-Sultan qalasyna - 200, «Baldáýren» respýblıkalyq oqý-saýyqtyrý ortalyǵyna - 150 bala baryp demalýda. Al, Almaty qalasyna 30 áskerı qyzmetkerdiń balalary baryp, tynyǵýda.

«Arystyq balalardy demalýǵa elimizdegi 13 oblys pen qala, eki JOO, respýblıkalyq eki saýyqtyrý ortalyqtarymen qatar, Qyrǵyzstan memleketi de ózderine shaqyryp otyr. Túrkistan oblysynyń aýdandary 462 balany jazǵy saýyqtyrýmen qamtýda. Qalǵan 1214 bala 18 shilde men 1 tamyz aralyǵynda demalys oryndaryna jiberiledi»,- dedi qalalyq bilim bóliminiń basshysy.

Aıta keteıik, búginde Arys qalasyn qalpyna keltirý jumystary aıaqtalǵansha balalardyń demalý merzimi bir aıǵa sozylmaq. Shilde aıynyń 10-18 kúnderi taǵy da 1572 balany jazǵy lagerge jiberý kózdelip otyr.