Arys aýmaǵyndaǵy radıatsııalyq, bıologııalyq ahýalǵa monıtorıng nátıjesi jarııa etildi
20:57, 27 Maýsym 2019
NUR-SULTAN. QazAqparat - Arys qalasynyń aýmaǵyndaǵy radıatsııalyq, bıologııalyq ahýalǵa tolyq monıtorıng júrgizildi. Bul jaıynda QR Qorǵanys mınıstrliginen málim etti, dep habarlaıdy QazAqparat tilshisi.
"Bıylǵy jyldyń 27 maýsymynda QR Qarýly kúshteriniń radıatsııalyq, hımııalyq jáne bıologııalyq barlaý toby QR Densaýlyq saqtaý mınıstrligi Shymkent qalalyq taýarlar men qyzmetterdiń sapasy men qaýipsizdigin baqylaý departamentimen birge Arys qalasynyń aýmaǵyndaǵy radıatsııalyq, bıologııalyq ahýalǵa tolyq monıtorıng júrgizdi. Ólsheý barysynda radıatsııalyq fonnyń ortasha máni saǵatyna 0,13 mkzıvertti qurady. Ýlandyratyn jáne qatty áser etetin zattar tabylǵan joq", - delingen mınıstrlik habarlamasynda.