Arys aýmaǵynda radıatsııa qaýpi joq - Nurlan Ermekbaev
«Arystaǵy áskerı qalashyqtar men arsenal áskerılerdiń jiti baqylaýynda. Olardyń bir bóligi arnaıy qorǵalǵan býnkerde saqtaýly, bir bóligi tıisti qorǵanyspen qamtylǵan. Sondyqtan, olardyń qaýipsizdigine kepildik beriledi (...) Bul arsenal barlyq kúzet quraldarymen, dabyl qaqqyshpen jabdyqtalǵan. Qoımalardyń aınalasy topyraqpen kómilgen. Sondyqtan, atalǵan oqıǵa sebepterin arnaıy qurylǵan tergeý toby anyqtaıtyn bolady. Munda eshqandaı radıaktıvti oq-dári men snarıadtar saqtalǵan joq. Eshqandaı radıatsııa qaýpi joq», - dedi Nurlan Ermekbaev Arys qalasynda tikeleı efırde ótken brıfıngte.
Brıfıngtiń vıdeosyn myna jerden kórýge bolady
Buǵan deıin Qorǵanys mınıstri Arys turǵyndaryna jedel shtabtyń ruqsatynsyz baspanalaryna qaıtyp kelmeýdi ótindi. Sebebi Arystyń kóshelerinde jarylmaı qalǵan oq-dáriler bolýy múmkin.
Barlyq úıler men kvartaldar polıtsııa men qarýly kúshterdiń jiti baqylaýynda. Sondyqtan eshqandaı tonaýshylyq pen urlyq-qarlyq bolmaıdy.