Arys: 5-sektordyń qurylys jumystary aıaqtaldy

ARYS. QazAqparat - Arys qalasyndaǵy Qaraǵandy oblysy men Tóle bı aýdanyna tıesili 5 sektordaǵy qurylys jumystarynyń sátti aıaqtalýyna qatysty saltanatty jıyn ótti, dep habarlaıdy QazAqparat Túrkistan oblysy ákimdiginiń baspasóz qyzmetine silteme jasap.

Sharada Tóle bı aýdanynyń ákimi B.Omarbekov Arys qalasynda qıraǵan úıler men jeke sektorlardy qalpyna keltirý jumystaryna atsalysqan azamattarǵa alǵysyn bildirip, oblys ákiminiń, oblystyq maslıhattyń, Tóle bı aýdany ákiminiń alǵys hattarymen jáne Tóle bı aýdandyq maslıhatynyń gramotasymen arnaıy marapattady.

Sonymen qatar, sharaǵa arnaıy qatysqan Arys qalasynyń ákimi M.Qadyrbek qurylys sapasynyń durys júrgizilýine úlesin qosqan azamattarǵa alǵys bildire otyryp, Arys qalasy ákiminiń jáne Arys qalasy «Nur Otan» partııasy fılıalynyń arnaıy alǵys hattaryn tabystady.

Jıyn sońynda sharaǵa qatysqan barlyq qonaqtarǵa Tóle bı aýdanyndaǵy «Balmuzdaq» JShS-nyń atynan balmuzdaq tartý etildi. Qıyn qystaý sátte qoldaý bildirip, arystyqtarǵa demeý bolǵan №5 sektordaǵy Qaraǵandy oblysy men Tóle bı aýdany ákimdikterine sektor turǵyndary alǵystaryn jetkizdi. Shara barysy Tóle bı aýdandyq mádenıet úıiniń ónerpazdary kontsert qoıdy.

Aıta keterligi, 5 sektordaǵy 11 kópqabatty úıdiń 519 páterine jáne 72 jeke turǵyn úıge jóndeý jumystaryn júrgizildi.