Arys: 3-sektordyń qurylys jumystary tolyq aıaqtaldy
Jıynda Túrkistan oblysy ákiminiń birinshi orynbasary Qosman Aıtmuhametov Arys qalasyn qaıta qalpyna keltirýge atsalysqan qurylysshylar men belsendi azamattarǵa alǵysyn bildirdi. Sonymen qatar, Jambyl oblysy ákiminiń orynbasary Erkebulan Daýylbaev qalada oryn alǵan tótenshe jaǵdaıdyń zardaptaryn joıýǵa jumyla kirisken kópshilikke alǵys aıtyp, oqys oqıǵalardyń endi elimizde oryn almaýyn tiledi.
Sondaı-aq, Jambyl oblystyq máslıhatynyń hatshysy Baǵlan Qarasholaqov, Arys qalasynyń ákimi Murat Qadyrbek jáne basqa da azamattar jambyldyq qurylysshylardyń tabandy tirligin, eleýli eńbegin tilge tıek etti.
Aıtýly sharada Arys qalasyndaǵy qurylys-jóndeý jumystaryna belsene aralasqan qurylysshylar, merdigerler, belsendi azamattar men ákimdik qyzmetkerleri arnaıy alǵys hattarmen marapattaldy.
Saltanatty jıyn «Arysty terbetken Áýlıeata áýenderi» atty K.Ázirbaev atyndaǵy Jambyl oblystyq fılarmonııasynyń kontserttik baǵdarlamasyna ulasty.
Sondaı-aq, shara aıasynda jarylys kezinde qırap, qaıta basynan boı kótergen 4 úı saltanatty túrde ıelerine tabystaldy. Bul úılerdiń ekeýi basynan boı kóterip, ekeýi tolyq jańǵyrtylǵan. Qurylysyn júrgizgen merdiger kompanııa atalǵan úı ıelerine óz syı-sııapattaryn jasady.
Aıta keterligi, Arys qalasyndaǵy Jambyl oblysynyń shtabyna qarasty 3-sektorǵa 11 kóshe bekitilgen. Onda 312 jeke turǵyn úılermen birge 14 áleýmettik jáne kommertsııalyq nysan bar. Zerdeleýden ótken jeke turǵyn úıdiń barlyǵynyń aqaý aktileri toltyrylyp, smetalaý jumystary jasalǵan.
Nátıjesinde qıraǵan 4 úı basynan boı kóterip, qalǵan 309 úıge túrli jóndeý jumystary júrgizilip, qalpyna keltirildi. Bul jumystarǵa 4 merdiger kompanııa, 500-den asa qurylysshy tartylǵan. Tıisti shyǵyndar respýblıkalyq bıýdjet pen arnaıy qorǵa jınaqtalǵan qarjydan qarastyryldy.