ASTANA. KAZINFORM — Qazaqstandyq tennısshi, álemniń 845-raketkasy Arýjan Saǵyndyqova jekeleı synda Nıý-Delıdegi (Úndistan) ITF W35 týrnıriniń shırek fınalyna shyqty.
Qazaqstandyq tennısshi ekinshi aınalymda álemniń 382-inshi, osy jarystyń 3-raketkasy, japonııalyq Sakı Imamýramen betpe-bet keldi.
Birinshi partııada 3:1 esebimen Arýjan jeńip jatqan mezette Imamýra matchty jalǵastyrýdan bas tartty.
Osylaısha, shırek fınalǵa joldama alǵan Arýjan Saǵyndyqova kelesi kezdesýinde dúnıejúzilik reıtıngide 1182-oryndaǵy úndistandyq, 19 jastaǵy Shrýtı Ahlavatpen kortqa shyǵady.
Qazaqstandyq tennısshi juptyq synda reseılik Elına Neplıımen birge shırek fınalda dodanyń 4-raketkalary, úndistandyqtar Vaıshnavı Adkar — Sravaıa Shıvanı Chılakalapýdıdiń mysyn basty — 6:1, 7:5.
Qazaqstandyq-reseılik dýet fınalǵa shyǵý úshin úndistandyqtar Vaıdehı Chaýdharı — Zıl Desaımen talasady.
Eske sala keteıik, budan buryn Arýjan Saǵyndyqovanyń juptyq synda Úndistandaǵy jarystyń shırek fınalyna ótkenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).